Monday, June 16, 2008

صباح الجمال

انا قلت ابدأ بموضوع خفيف كده..إمبارح زى أى شاب بيحب الكرة و بيحب يشوف كرة جميلة, قررت انى اتابع ماتش "المانيا" و "النمسا" فى بطولة الأمم الأوربية...لحد هنا عادى, اللى مش عادى إن في بداية الماتش الكاميرا جابت مدرجات المانيا و إذ اشوف المستشارة الألمانية "ميريكل" (دى الرأس الكبيرة فى المانيا) المهم القيها قاعدة وسط الجمهور عادى جدا و ماسكة العلم و بتشجع زيها زى اى حد...عادى قلت يمكن فاضية...ببص النحية التانية لاقيت مستشار النمسا "الفريد جوسنبور" قاعد نفس القاعدة مع جماهير بلاده...إيه ده إيه الحلاوة دى...كده وسط الناس عادى جداَ....ليه الناس دى كده؟؟؟ إشمعنا...ليه مش قاعدين فى اوضة زجاج و كل الجمهور اللى حوليها من الأمن المركزى؟؟؟!!!....حد يفهمنى؟؟؟ بجد أنا مذهول, الإتنين كل واحد ماسك علم بلده و بيشجع من قلبه ....إمتى هنكون زى الناس دى إنشاء الله فى التشجيع؟؟؟!!!

No comments: